पीआरपी (प्लेटलेट रिच प्लाझ्मा) ही पद्धती केसाची गळती थांबवण्यासाठी प्रभावी उपचारपद्धती आहे. पीआरपी उपचारपद्धतीत रुग्णाचे रक्त काढून त्याला एका विशिष्ट मशीनमध्ये (सेंट्रीफ्युग) काही वेळासाठी ठेवलं जातं. ज्यामुळे रक्ताच्या आत प्लेटलेट रिच प्लाझ्मा (ग्रोथ फॅक्टर) वेगळे होतात. त्याला इंजेक्शनच्या माध्यमातून रुग्णाच्या केसांच्या मुळात सोडलं जातं. पीआरपीमध्ये केस वाढवण्यासाठी आवश्यक घटक समाविष्ट असतात. पीआरपीसाठी ज्या रुग्णांच्या केसांचं मूळ अशक्त असतं, परंतु अॅक्टिव केसांचे मूळ असते; अशा रुग्णांसोबतच केस गळतीच्या समस्येने ग्रस्त रुग्णांना पीआरपीने लाभ मिळू शकतो. पीआरपी थेरपी केल्यानंतर त्याचे सकारात्मक परिणाम सुरुवातीच्या तीन महिन्यानंतर दिसू लागतात. आपली केस गळती थांबत असल्याचं रुग्णाला जाणवायला लागतं. ही प्रक्रिया महिन्यातून एकदा करावी लागते. पीआरपी प्रक्रिया अगदी सुरक्षित असून यात रुग्णाच्या रक्तातून ग्रोथ फॅक्टर काढून केसांच्या मुळापर्यंत पोहोचवलं जातं. त्यामुळे याचे कुठलेही दुष्परिणाम नाहीत.